అలా చెరిపివేయకు

నాకూ నా కన్నులకు ఈ నలతలూ, కలతలూ ఎందుకు?
ఎప్పుడూ నీ కలల్నే కంటుందనా?
నువు నిండిన ఈ గుండెను హరిస్తావెందుకు?
ఏమారకుండా నీ ఊహల్లొ విహరిస్తుంటుందనా?

అటు చూడు నువు నడుచుకుంటూ వెళ్తూ
వదిలేసిన నీ అడుగుల జాడలకు
గొడుగులు పట్టి రక్షించాను.
ఇప్పుడు నే కార్చే కన్నీటి ధారలకు
వాటిని కొట్టుకుపోనివ్వకుండా చూడు.

నీ వెచ్చని శ్వాసను తాకి చిగురించిన కొమ్మలు
ప్రేమ పుష్పాలను రాల్చితే
వాటితో అందమైన గూడును కట్టి
నిన్ను తలుచుకుంటూనే జీవిస్తున్నా.
నీ జ్ఞాపకాల పొదరిల్లది. చెరిపివేయకు.

03/10/2013