Black Heart

పచ్చి మనసు

మనసు మరీ పచ్చిగా ఉంది.
తేమకు మగ్గిపోకముందే
ఎండలో వీలైనంతవరకూ ఆరబెట్టుకోవాలి.

దొక్కదొరికిందో ప్రొద్దుతిరుగుడు పువ్వు.
మనసును ఈ పువ్వులో పెట్టి
ఎండిపోయేవరకూ నేను దానికిందే నిద్రపోవాలి.

కను రెప్పలు మూస్తే గానీ
బహిర్గతం కాని నా అంతరంగం
నన్నెందుకో వింతగా చూపిస్తుంది.

ఆ పువ్వులో ఒదిగిన మనసు మాత్రం
భానుకిరణం ఎటు కాల్చేస్తే అటు తిరుగుతూ
నల్లగా మాడిపోయింది.

ఇప్పుడు నా మనస్సు రంగు
అన్నిటినీ ఇముడ్చుకుని
అంతటినీ తట్టుకోగలిగే నలుపు.

28/10/2013









No comments:

Post a Comment

Related Posts Plugin for WordPress, Blogger...