మోసగత్తె....

సాటర్డే నైట్ ఫీవర్తో సంతోషంగా లగెత్తుకొస్తే
శనివారం శోభనమేంట్రా మెంటలోడా అని
రెండు గోలీలిచ్చి గురకపెట్టి బజ్జోమన్నావు...

గాలివానలకు గువ్వలా తిరిగి గూడు చేరితే
అలసిపోయావంటూ మాయమాటలు చెప్పి
గప్ చుప్ గా గుండె గదికి గొళ్ళెమేశావు...

చలేస్తోందని చెంత చేరి చీరలో దాక్కోబోతే
పాజిటివ్ లక్షణాలు మొదలయ్యాయంటూ
వేడిగా కరోనా కాషాయం తాగమన్నావు...

ప్రేమతో పట్టెమంచమేసి పక్కకు రమ్మంటే
ముట్టయ్యాను ఇప్పుడు ముట్టుకోకకంటూ
సావుకబురు సల్లగా చెప్పి తప్పించుకున్నావు...

మాటవినక మోజు తీర్చుకుందామనుకుంటే
మొండి మోహమోడా అంటూ పక్కకునెట్టి
మోసగత్తెకి నిలువెత్తు సాక్షంగా నిలిచావు...

దీక్ష

నువ్వు నాతోలేక
యుగాలు గడిచిపోయాయి...
మనం కన్న స్వప్నాలూ చెదిరిపోయాయి...
పగళ్లను కమ్మేస్తున్న చికటిపొరలతో
మన ప్రపంచం వెలుగుని కోల్పోయినట్టుంది...
అప్పుడొకసారి
దోసిట్లో తీసుకున్న నీ మొహం
ఇప్పుడు కన్నీరై వొలికిపోతోంది...
తడిబారిన జ్ఞాపకాల గుండెలోంచి
ఉబికొచ్చే రుధిరాహ్ని
నన్ను భగభగా కాల్చేస్తోంది...
నా దేహమంతా
ప్రజ్వలించే భావోద్వేగాలతో
ఇప్పుడు నీ దీక్ష చేయడమే నాకు మిగిలింది...