పెళ్ళి చూపులు

ఎన్నో కోల్పోవడానికి సిద్ధమౌతున్నా.
ఇంకెన్నో పొందడానికి పయనమౌతున్నా.

రెప్పలపై కన్నీటిని సునాయాసంగా మోస్తున్నా.
పెదాలపై చిరునవ్వును భారంగా భరిస్తున్నా.

ఆశయాలను మూట కట్టి మూల పడేస్తున్నా.
ఆశలను రెక్కలుగా తొడుక్కుంటున్నా.

పాత బంధాలకు జ్ఞాపకాల సంకెళ్ళు వేస్తున్నా.
కొత్త బంధాల పరిధిలో బంధీగా మారబోతున్నా.

మనసును చుట్టుముట్టే ఎన్నో బాధలతో కదలలేకున్నా
అదే మనసులో చిగురించే వింత భావాలతో నడుస్తున్నా

పైటచాటున దాచిన హృదయాన్ని
నిండా నగలతో నొక్కిపెట్టి మరీ
పెళ్ళిచూపులకు సిద్ధమౌతున్నా...

15-10-2013


No comments:

Post a Comment

Related Posts Plugin for WordPress, Blogger...