నీ నిరీక్షణలో బరువైన ఈ ఉదయం
క్రమక్రమంగా ఎదను కోస్తుంటే
ధారలుగా రాలుతున్న ప్రేమచారికలు
చెరలా నను బంధించాయని ధుఃఖిస్తున్నా !
నీ రక్షణ కరువైన ఈ హృదయం
ప్రేమ క్రమక్షయానికి గురౌతుంటే
పొరలుగా తరలిపోతున్న జ్ఞాపకాలు
మరలా దరిచేరవని చింతిస్తున్నా !
మౌనంగా శిధిలమౌతున్న ఎన్నో క్షణాలు
నిశీధి నీడల్లో నెట్టివేయబడుతుంటే
కదిలిపోతున్న ఒక్క క్షణాన్ని కూడా
పదిలంగా ఎదలోతుల్లో దాచుకోలేకున్నా !
No comments:
Post a Comment