పూల ప్రపోజల్ ...

అనురాగ గాలి అసలే సోకని మనసుకు
వసంత చేమంతులను పరిచయం చేసి

ఆశల ఊహలెరుగని నిద్రిత నయనాలకి
కోర్కెల కనకాంబరాలతో బంధీని చేసి

భావ స్పందనంటూ తెలియని తనువుకి
సుగంధ సంపెంగ పూల అత్తర్లను చల్లి

ఆప్యాయతను అన్వేషిస్తున్న కర్ణాలకు
మల్లెలంటి స్వచ్చమైన నీ పలుకులు పంచి

ప్రేమంటే తెలియని నా పసి హృదయానికి
ప్రాణమిస్తానంటూ పసిడిపద్మమై నిలిచావు.

అందుకే ప్రేమంటే తెలిసొచ్చాక చెబుతున్నా చెలీ...
" నేన్నిన్ను ప్రేమిస్తున్నాను "