రా పయనిద్దాం !
ఆకాశం ఆనందాన్ని కోల్పోతే
మన ప్రేమని హరివిల్లును చేసి
సృష్టికే రంగులద్దుదాం !!
విరహ రెక్కల్ని కట్టుకొని
వలపు విహంగాలమై
విశ్వమంతా విహరిద్దాం !!
రా పయనిద్దాం !
సెలయేరు సెలవంటూ ఇంకిపోతే
మన ఊసుల్ని సలిలంగా మార్చి
సంద్రాన్నే నింపేద్దాం !!
సరస సరస్సులు దాటి
స్వచ్చమైన చినుకులమై
ప్రపంచాన్నే తడిపేద్దాం !!
రా పయనిద్దాం !
వనం వాడిపోయి విలపిస్తే
మన ప్రణయాన్ని పచ్చికలా చేసి
నేలంతా పరిచేద్దాం !!
ఎండు కొమ్మల్ని తాకి
పచ్చని చిగురుటాకులమై
ప్రకృతినే పులకరిద్దాం !!
ఆకాశం ఆనందాన్ని కోల్పోతే
మన ప్రేమని హరివిల్లును చేసి
సృష్టికే రంగులద్దుదాం !!
విరహ రెక్కల్ని కట్టుకొని
వలపు విహంగాలమై
విశ్వమంతా విహరిద్దాం !!
రా పయనిద్దాం !
సెలయేరు సెలవంటూ ఇంకిపోతే
మన ఊసుల్ని సలిలంగా మార్చి
సంద్రాన్నే నింపేద్దాం !!
సరస సరస్సులు దాటి
స్వచ్చమైన చినుకులమై
ప్రపంచాన్నే తడిపేద్దాం !!
రా పయనిద్దాం !
వనం వాడిపోయి విలపిస్తే
మన ప్రణయాన్ని పచ్చికలా చేసి
నేలంతా పరిచేద్దాం !!
ఎండు కొమ్మల్ని తాకి
పచ్చని చిగురుటాకులమై
ప్రకృతినే పులకరిద్దాం !!
ఇంకేం మీ ప్రేమప్రయాణం సుఖవంతం కావాలని ఆశిస్తాం :-) చిత్రంలో ప్రేమనంతా కుమ్మరించారుగా
ReplyDeleteఎప్పుడు చూసినా మీరే కామెంటతారు... నా బ్లాగ్ లో...
Delete