ఎందుకీ భ్రమ?

నిన్నే తలుస్తూ కనురెప్పలు భారంగా మూస్తుంటే
నా నుదిటిపై ముద్దిస్తూ చప్పున మేల్కొలుపుతావు.

నీ పెదాలకంటిన కుంకుమను తలాడిస్తూ నా ముక్కుపై రాస్తావు.
ఇంకొంచెం కిందికొచ్చి నా పెదాలపై యుద్ధం చేస్తావు.

గెలిచావో.. వోడావో ! అంతటితో మెల్లగా వెనుదిరిగి
నా భుజాలను నీ రెండు చేతుల్లో తీసుకుంటావు.

మెడపై ఉయ్యాలలూగే నా కురులను వెనక్కి సవరించి
నీ లేత మీసాల మిళిత చుంబనాలతో గిలిగింతలు పెడతావు.

ఆ గిలిగింతలకు మైమరచి నేను మెలికలు తిరుగుతుంటే
నా నాజూకు నడుముని నీ మెత్తటి స్పర్శతో నంజుకుంటావు.

నిశ్చలంగా ఉండి నా నిఛ్వాశను తుఫానులా మారుస్తుంటే
నీ బిగి కౌగిలిలో నను బంధించి వేస్తావు.

నేనూ హత్తుకుందామని నీ మీద చేతులువేయబోతుంటే
నేను భ్రమలో ఉన్నానని గుర్తుచేసి బాధపెడతావు.

15/11/2013



No comments:

Post a Comment

Related Posts Plugin for WordPress, Blogger...