తెలిసిన విషయాలే..

అంతమో ఆరంభమో !
అనంత ఘోషల ఆరాటమో !!
ఏ క్షణం ఎలా మలుస్తుందో
నడుస్తున్న ప్రతీ సంధర్భాన్నీ...

తీక్షణంగా పరిశీలించిందెవరు?
తధేకంగా పరిశోధించిందెవరు?

గాలి గమనానికి రాలక
ఊగిసలాడే ఫలాల లెక్క తెల్చేదెవరు?

కనికరమో కర్కశమో !
కాల సంద్రపు కోప కెరటమో !!
ఏ బిందువు ఎలా భరిస్తుందో
పొంగుతున్న ప్రతీ తరంగాన్నీ...

ఆత్రుతగా అన్వేషించిందెవరు?
అనుభవంతో ఆలోచించిందెవరు?

దూర తీరాలు చేరక
కెరటాల వలలో పడ్డ నావల బాధలు తీర్చేదెవరు?

మాటల కోలాటమాడి తడబడనిదెవరు?
జీవిత తహతహలాటలో ఓడి తడవనిదెవరు??

11/11/2013