వాడు

వాడు

చందమామ వాడి చెలిమికై

వేయికళ్ళతో ఎదురుచూస్తున్నది.

భువనం వాడి ఆగమనానికై

పరితపిస్తున్నది.

వర్షం వాడి స్పర్శకై

వేకున తుషారమవుతున్నది.

అగ్ని వాడి ఆరాధనకై

శీతలాన చలిమంటవుతున్నది.

ప్రకృతి వాడి ప్రేమకై

భూతలాన పూలపాన్పవుతున్నది.

కడలి వాడి అడుగులకై

ఎడారి దారవుతున్నది.

వనదేవత వాడి వలపుకై

వల్లమాలిన అభిమానంతో విలవిలలాతున్నది.

సూర్యచంద్రులు వాడి విశ్వరూప దర్శనానికై

దండకారణ్యాలను సైతం దహించి మరీ ప్రకాశిస్తున్నాయి.