యువతకు నచ్చని పచ్చి నిజాన్ని


వ్రాశానేనొక చక్కని కవితని
యువతకు నచ్చని పచ్చి నిజాన్ని
విజేత త్యజించిన మత్తు జపాన్ని
కలలు కావివి
కల్లలు కానివి
బల్లలు దద్దరిల్లే నిశ్శబ్ధపు
మిథ్యాలోకం నడుస్తున్నది
బీటలు బారిన అంచుల వెంబడి
కోటలు దాటిన పుకార్ల వెంబడి
నవభారతం నడుస్తున్నది
డబ్బులు మింగే దానయ్యల
వెన్నుపోటు వీరయ్యల నాయకత్వాన
ఎండమావిలో
అడ్డదారిలో
సిగ్గులు లేక ఎగ్గులు లేక
పెగ్గుల వెంబడి డ్రగ్గుల వెంబడి
ఎబ్బుడి ముబ్బడి పబ్బుల వెంబడి
యవ్వన కాంక్షొక విషాద గుంట
షయ్యల సుఖమొక చీకటి మంట
నడిపిద్దాం! మన యువ భారతాన్ని అసభ్య కోరల వెబ్బుల వెంట

No comments:

Post a Comment

Related Posts Plugin for WordPress, Blogger...