నేను సూర్యుణ్ణి
హృదయమంతా పరచుకున్న ఈ రాత్రి చీకట్లో
నా భావోద్వేగాలు చిందరవందరయ్యాయి
గింజుకుంటున్న ఆకుల మధ్య
చిక్కుకున్న వెన్నెల కాంతుల్లో....
విరహం వలపుల్ని ఒక కవాటంలో
అహం అనుమానాన్ని ఇంకో కవాటంలో పేర్చి
జ్ఞాపకాలతో విలవిలలాడే మనసుకి
శస్త్రచికిత్స చేసుకున్నాను....
ఓపిగ్గా కుట్లు వేసుకున్నాక
ఆకులమధ్య చిక్కుకున్న వెన్నెలను విడిపిస్తే
చిందరవందరయిన తన భావోద్వేగాలతో
పగటి వెలుతురు కోసం
వెదుక్కుంటూ వెళ్ళిపోయింది
తన శస్త్రచికిత్స కోసం
పగలు నేను మేఘాల్లో చిక్కుకుపోయాను...
రాత్రీ పగళ్లు వంతులేసుకొని మేము కాపాడుకునేది అపురూపమైన ప్రేమను!
ఈ ప్రపంచ గమనం మాత్రం
బహుశా మా ప్రయాణంలో ఉపఉత్పత్తి అయుండొచ్చు!!
మీరు రాసే ప్రతీ పదములోనే కాదు టైటిల్ పేరులో కూడా వైవిద్యం ఉంటుంది. చాలా బాగా రాస్తారు.
ReplyDeleteअय्या उण्डवच्चु
ReplyDeleteविकटालनु बापे तोली किरणम् वेच्चगा धरित्रि ओडि चेरगा
शिथिलमै मिगिलि वुन्ना चलीचमटल प्रकृति लो एक्कडलेनी परवशम्
अय्या उण्डवच्चु
कपट मोसालेरुगनि निःस्वार्थ जीवि की
इहपराल व्यत्यासालु एमी तेलिय जेसेरु
अन्ते कदा विश्वक्सेनवर्या
बहुमुच्चट गोलिपिन्दी मी चन्द्रार्क कवनम्
अन्दुके ना ई तेलुगिन्दी व्याख्या
~श्री"धरणी"ता
Wonderful words
ReplyDelete