నీ మదిలో ఏదో మూలన
నాపై దాగిన ఏహ్యభావాలు కొన్ని
నువ్వు చూపించలేకున్నా
అప్పుడప్పుడూ ఆతాలూకు కెరటాలు
సున్నితపు నా హృదయాన్ని
బలంగా తాకుతాయన్న ఛాయల్ని
నీ పరిధిలోనికి స్పృహలోకూడా రానీయవు...
ఎగసిన వ్యధ తాకిడితో
కన్నీటికోతకుగురైన
నా హృదయాంతరాలను దాటి
అవి చేసే నిశ్శభ్ద అలజడులను సైతం
నీ వినికిడికి కూడా పసిగట్టనీయవు...
అయినా నువ్వోక్కసారి
నా మదిలోయాల్లో పరికించి చుస్తే
ఆచ్చాదన లేని స్వచ్చత తాలూకు భావాలే తప్ప
బాధించి వేధించే అయిష్టతల చేష్టలు నాలో శూన్యం!
No comments:
Post a Comment