ఎడతెరిపిలేని బంధాలతో ఎదురీదే ఈలోకంలో
ఏడిపించని బంధమేదని ఎంతెదురుచూసినా
ఏ ఒక్కటైనా కానరాక ఒంటరిగా మిగిలిఉన్నా!
స్వప్నసౌధాల నిర్మాణానికై కదిపిన పాదాలకు
అనుబంధాల తీపిముళ్ళు గుచ్చుకున్నప్పుడు
అందిన అవకాశాల్నిఅమాతం కూల్చేసుకున్నా!
ఎగసిన మదిభావాలను అందంగా మలచాలని
జీవితానికి ఊతమిచ్చే ఆశయాలకు కళ్ళెంవేసి
ఎవరికోసమో నవ్వుముసుగేసుకొని ఏడుస్తున్నా!
చేజార్చుకున్న కాలాన్ని నిందించే హక్కులేక
నా జీవితరణంలో అడుగడుగునా ఓడిపోతూ
ఆఖరి ప్రయత్నంగా మరణంతో పోరాడుతున్నా!
వండర్ఫుల్ పోయం
ReplyDelete