కష్టాలను కన్నీటిని
కాలరాద్దాం మిత్రమా!
సహనంతో సైఅంటూ
సమరానికి సిద్ధమా?
మనమాడే ఆటలోన
కదిలెళ్ళే బాటలోన
పోరాటపు సత్తువుంది!
ఉద్వేగపు నెత్తురుంది!!
తరతరాల తప్పుల్లో
రగులుతున్న నిప్పుల్ని
టోర్నడోలా కబళిద్దాం!
తుఫానులా ఆర్పేద్దాం!!
క్రమమెరుగని భ్రమణంలో
కలికాలపు గ్రహణంలో
కారు చీకట్ల కుట్లు విప్పి
వెలుగుదారం అల్లేద్దాం!
మరక పడ్డ వీధుల్లో
రెప్పార్పని కళ్ళల్లో
కాంతి దివ్వె వెలిగిద్దాం!
మసి మసకలు వెలివేద్దాం!!
మన ఆశకు హద్దులేదు
ఎద ఘోషకు అంతులేదు
కదిలొచ్చెయ్..కదిలొచ్చెయ్
కడలిలాగ ఉరికొచ్చేయ్
తరంగమై తరలొచ్చెయ్...
పోరాటపు పవనాల్లో
వీరులమై విహరిద్దాం!
అదృశ్యపు దేహాలతో
అమరులమై మిగిలిపోదాం!!
మన ఆశకు హద్దులేదు
ReplyDeleteఎద ఘోషకు అంతులేదు
కదిలొచ్చెయ్..కదిలొచ్చెయ్
యమ జోరుగా సాగింది :-)