గుప్పెడంత ప్రేమ...

గుప్పెడు మల్లెలు
గుండెలపై జారి నీ ఒళ్ళు జలదరిస్తే
గాఢంగా నిన్ను హత్తుకుని
గగన వీధుల్లోకి ఎత్తుకుపోనా!

గాలి దూరని కౌగిట్లో
గరళమెరుగని మన ప్రేమ పందిట్లో
గమ్యమే నీవని
గిరిగీసుకు నే తిరగాడనా!

గులాబీ రెక్కల
గుబురుల్లో గోప్యంగా దాగిన నీకు
ఘాటు ముద్దొకటిచ్చి
గారడీల గానమాలపించనా!

గోదారిపై ఎగిరొచ్చి
గిజిగాడై మమతల గూడు కట్టి
గెలుపంటే నీ ప్రేమేనని
గట్టిగా అరిచి లోకానికి చాటనా!

23/12/2013