ఆ రాత్రేంజరిగిందంటే?

ఆ రాత్రి
ఒక కలయిక వేచిన కమ్మని కల
ఇరువురి ఆశలు చల్లారిన నిప్పుల వల

ఆ ఘడియ
ఎద రెక్కలు ఎగిరిన ఊహల స్వప్నం
కనురెప్పన కురిసిన అమృత వర్షం

ఆ క్షణం
తనువు తంత్రులై ఆలపించిన మైకపు గానం
మనసు మధువై చిందించిన మోహపు రాగం

మరుక్షణం
ఊసులు విచ్చుకున్న మధుర భావాల జలదరింత
మనసులు పంచుకున్న సుదూర జంట పులకరింత

ఈ క్షణం
వలపు స్నానమాడిన వయసుకెంతో తంట
తలపు పాటపాడిన మనసుకెంతో మంట

11/12/2013